NHK Randburg is ’n geloofsgemeenskap in die hart van Randburg waar ons glo dat kerk meer is as ’n plek waarheen ’n mens op ’n Sondag gaan. Kerk is ’n plek waar jy behoort, waar jou geloof gebou word en vanwaar jy uitgestuur word om ander te bedien.

Daarom vat drie eenvoudige woorde iets van ons gemeente se hart saam:

Behoort. Bou. Bedien.

Ons wil ’n gemeente wees waar mense van alle ouderdomme welkom en tuis kan voel. Hier aanbid ons saam, leer ons uit die Bybel, bid ons saam en stap ons met mekaar deur die gewone én moeilike seisoene van die lewe. Kinders, jongmense, gesinne, volwassenes en seniors vorm almal deel van ons geloofsfamilie.

Ons erediens is die hartklop van ons week. Ons probeer die boodskap van die Bybel op ’n verstaanbare, eerlike en praktiese manier verbind aan die wêreld waarin ons elke dag leef. Terselfdertyd skep ons deur kategese, Kinderkerk, Bybelstudie, gebed, pastorale sorg en verskillende gemeentelike aktiwiteite geleenthede waar geloof verder kan groei en verhoudings gebou kan word.

Die gemeente word bedien deur ds. Jaco van Sittert, predikant van NHK Randburg sedert 2009. Sy bediening fokus op prediking, pastorale begeleiding, geloofsvorming en die toerusting van mense om hulle geloof nie net binne die kerkgebou nie, maar ook in hulle huise, werkplekke en gemeenskap uit te leef.

Ons is nie ’n gemeente vir mense wat alles reeds uitgesorteer het nie. Ons is mense wat saam ontdek wat dit beteken om Jesus Christus te volg, God se genade te ontvang en daardie genade met ander te deel.

Of jy reeds lank deel van ’n kerk is, ná ’n lang tyd weer jou pad terug vind, nuut in Randburg is, of bloot met vrae oor geloof sit, jy is welkom by NHK Randburg.

Kom behoort. Kom bou saam. Kom bedien saam.