Elke jaar maak ons nie-bederfbare kos en benodighede bymekaar vir behoeftige gesinne wat deur die OSR(Ondersteuningsraad) van die Hervormde Kerk, geïdentifiseer is.
Ons vra u om weer hierdie jaar te help met hierdie projek. U kan ‘n lysie by die kerk kry, op die agterste toonbank. Op hierdie lysie is die items wat ons graag bymekaar maak vir die projek.
U kan alles op die lysie koop en dit terug bring na die kerk toe, waar ons dit dan bymekaar maak en sorteer vir uitdeling.
Baie dankie vir u hulp.
Nie-bederfbare kos
Ons gemeente/diakonie is voortdurend besig met barmhartigheids-projekte. Op die oomblik is daar geen nie-bederfbare kos, skoonmaakmiddels, seep, tandepasta ens nie. Die Diakonie doen ‘n beroep op die gemeente om asseblief vir ons te help met die insameling van nie-bederfbare kosse.
Daar is geen twyfel dat ons houers oorlopend toe vol gevul gaan word nie. Baie dankie dat ons ‘n Geloof in Aksie gemeente kan wees.
Baie dankie vir jou bydra om die koskas te vul! Onthou elke vol houer help ‘n honger magie voed en iemand se nood te verlig.