Skriflesing: Deuteronomium 8:1 tot 10  

Tema: Nie van brood alleen nie, maar van die Woord van die Here.                     

Stel jou vir ’n oomblik voor jy begin ’n nuwe fase in jou lewe. ’n Nuwe werk. ’n Nuwe dorp. ’n Nuwe verantwoordelikheid. Jy staan op die drumpel van iets wat belowend lyk. Maar net voor jy instap, kyk jy terug. Terug na die pad wat jou hierheen gebring het. Party dele was mooi. Ander dele was moeilik. Daar was seisoene van oorvloed, maar ook tye waar jy nie self kon voorsien nie.

Dit is presies die oomblik waarin Deuteronomium 8 afspeel. Israel staan op die grens van die beloofde land. Die Here bring hulle in ’n goeie land, oorvloedig in water, graan, vrugte, olie, selfs minerale soos yster en koper. Dit is ’n land waar hulle niks sou kortkom nie. Maar voordat hulle ingaan, herinner Moses hulle aan iets baie belangriks: daardie oorvloed kom nie outomaties nie. Dit is nie bloot ’n reg nie. Dit is ’n gawe wat saamhang met gehoorsaamheid.

LEES OF LUISTER GERUS VERDER –